Мектепке дейінгі балалар ұйымына жолдама қалай алуға болады
Мектепке тіркеу үшін құжаттарды қабылдау
Қазақстан Республикасы...
Текст
«Ақмола облысы білім басқармасының Сандықтау ауданы бойынша білім бөлімі» мемлекеттік мекемесіне
Государственное учреждение «Отдел образования по Сандыктаускому району управления образования Акмолинской области»
Қазақстан Республикасы Оқу-ағарту министрінің 2024 жылғы 30 желтоқсандағы № 372 «Білім беру қызметтерін алушыларға ваучерлік қаржыландыруды ескере отырып Мектепке дейінгі тәрбие мен оқытуға мемлекеттік білім беру тапсырысын орналастыру бойынша пилоттық жобаның кейбір мәселелері туралы» бұйрығына сәйкес "Ақмола облысы білім басқармасының Сандықтау ауданы бойынша білім бөлімі" мемлекеттік мекемесі 2026 жылға арналған білім беру қызметтерін алушыларға ваучерлік қаржыландыруды ескере отырып, мектепке дейінгі тәрбие мен оқытуға мемлекеттік білім беру тапсырысын орналастыру бойынша қызмет көрсетушілердің тізіміне енгізуге өтінімдерді қабылдау туралы хабарлайды. Қызметтерді жеткізушілер тізбесіне енгізу үшін өтініштерді қабылдау туралы хабарландыру осы күнтізбелік жылдың соңына дейін жарамды. Қызметтерді жеткізушілер тізбесіне келесі мәліметтер кіреді: қызмет көрсетушінің атауы, БСН, қызмет көрсетілетін мекенжайы, балабақшаның жобалық қуаты. Бұл тізбе келесі мектепке дейінгі ұйымдар қатарынан қалыптастырылады: 1) бұрын мектепке дейінгі тәрбие мен оқытуға мемлекеттік білім беру тапсырысы орналастырылған мектепке дейінгі ұйымдар – қызметтерді жеткізушілер тізбесінен алынып тасталған (соның ішінде жоспарлы мониторинг нәтижесі бойынша) ұйымдарды қоспағанда, өтінішсіз автоматты түрде енгізіледі. Бұл ұйымдар осы Алгоритм талаптарына сәйкес қайта өтініш береді. 2) бұрын мектепке дейінгі тәрбие мен оқытуға мемлекеттік білім беру тапсырысы орналастырылмаған, бірақ осы Алгоритмнің осы тарауында көзделген талаптарға сәйкестігі жөніндегі Комиссия хаттамасына енгізілген мектепке дейінгі ұйымдар. Мектепке дейінгі тәрбие мен оқыту саласында қызметін бастайтыны туралы хабарлаған мектепке дейінгі ұйым қызмет көрсетушілер тізіміне енгізу туралы өтініш береді және келесі талаптардың орындалуын қамтамасыз етеді: 1) Қазақстан Республикасы Денсаулық сақтау министрінің 2021 жылғы 9 шілдедегі № ҚР ДСМ-59 бұйрығымен бекітілген «Мектепке дейінгі ұйымдарға және балалар үйлеріне қойылатын санитариялық-эпидемиологиялық талаптар» санитариялық қағидаларына (нормативтік құқықтық актілерді мемлекеттік тіркеу тізілімінде № 23469 тіркелген) сәйкес жағдайларды қамтамасыз ету (бұдан әрі – Санитариялық қағидалар); 2) Төтенше жағдайлар жөніндегі Қазақстан Республикасы Министрінің 2022 жылғы 21 ақпандағы № 55 бұйрығымен бекітілген «Өрт қауіпсіздігі қағидаларын» (нормативтік құқықтық актілерді мемлекеттік тіркеу тізілімінде № 26867 тіркелген) сақтауға сәйкес жағдайларды қамтамасыз ету (бұдан әрі – Өрт қауіпсіздігі қағидалары); 3) Қазақстан Республикасы Білім және ғылым министрінің 2022 жылғы 30 наурыздағы №117 бұйрығымен бекітілген «Қазақстан Республикасының білім беру саласында қызметін жүзеге асыратын террористік тұрғыдан осал объектілердің терроризмге қарсы қорғалуын ұйымдастыру жөніндегі нұсқаулыққа» (нормативтік құқықтық актілерді мемлекеттік тіркеу тізілімінде №27414 тіркелген) (бұдан әрі – Нұсқаулық) сәйкес талаптарды қамтамасыз ету. 4) Қазақстан Республикасы Білім және ғылым министрінің 2022 жылғы 12 қаңтардағы №4 бұйрығымен бекітілген «Ерекше білім беру қажеттіліктерін бағалау қағидаларына» (нормативтік құқықтық актілерді мемлекеттік тіркеу тізілімінде №26618 тіркелген) сәйкес ерекше білім беру қажеттіліктері бар балаларға білім беруді қамтамасыз ету үшін арнайы жағдайлар (бар болған жағдайда), сондай-ақ Қазақстан Республикасының «Қазақстан Республикасындағы сәулет, қала құрылысы және құрылыс қызметі туралы» Заңына (бұдан әрі – Сәулет қызметі туралы заң) сәйкес қолжетімді орта қамтамасыз етілуі тиіс. 5) Қазақстан Республикасы Білім және ғылым министрінің 2016 жылғы 22 қаңтардағы №70 бұйрығымен бекітілген «Мектепке дейінгі, орта білім беру, сондай-ақ арнайы білім беру ұйымдарын жабдықтармен және жиһазбен жарақтандыру нормаларын бекіту туралы» (нормативтік құқықтық актілерді мемлекеттік тіркеу тізілімінде №13272 тіркелген) бұйрығына сәйкес жабдықтармен және жиһазбен жарақтандыру талаптарының сақталуы қамтамасыз етілуі тиіс. 6) Мектепке дейінгі ұйым тәрбиеленушілеріне медициналық қызмет көрсету және алғашқы медициналық көмек көрсету санитарлық ережелерге сәйкес жүзеге асырылуы тиіс. 7) Педагогикалық құрам педагогикалық немесе өзге кәсіби білімі бар мамандардан тұрады, олар Қазақстан Республикасы Білім және ғылым министрінің 2009 жылғы 13 шілдедегі №338 бұйрығымен бекітілген «Педагогтердің типтік біліктілік сипаттамалары» (№5750 мемлекеттік тіркеудегі) талаптарына сәйкес профиль бойынша маманданған және штат саны Қазақстан Республикасы Білім министрінің 2023 жылғы 21 шілдедегі №224 бұйрығымен бекітілген «Мемлекеттік білім беру ұйымдарының типтік штаттары» (№33166 мемлекеттік тіркеудегі) талаптарына сәйкес. Алгоритмнің 30-тармағында көрсетілген мектепке дейінгі білім беру ұйымы информатизация объектісіне pdf форматында, анық оқылатын түрде, түпнұсқаға толық сәйкес келетін келесі құжаттарды электрондық түрде тіркеп ұсынады: 1) Алгоритмнің 10 қосымшасы бойынша формадағы өтініш; 2) мектепке дейінгі ұйым басшысының қолымен және мөрімен расталған бейнебақылау жүйелерінің, автоматты өрт жүйесінің, дабыл түймесінің, дауыстық хабарлаудың және домофон жүйесінің болуы туралы ақпарат; 3) Санитариялық қағидаларға сәйкес тәрбиеленушілерді медициналық қамтамасыз етуді жүзеге асыруға арналған аумақтық алғашқы медициналық-санитариялық көмек ұйымымен шарт (сыйымдылығы үш топқа дейін); 4) педагогикалық немесе бейіндік білімі бар педагогтердің белгіленген үлгідегі білім туралы штат кестесінің және құжаттарының көшірмелері; 5) ғимаратты/үй-жайларды жалдау шартының көшірмесі (бар болса).
Просмотров: 84