2026 жылғы 18 наурызда Сандықтау ауданы Балкашин ауылының №1 жалпы орта білім беретін мектебінің базасында «Оқушының эмоционалдық әл-ауқатының шарты ретінде отбасы мен білім беру ұйымының өзара әрекеттестігі» тақырыбында облыстық семинар өтті.

Іс-шараға педагог-психологтар мен білім беру жүйесінің мамандары қатысып, мектеп пен ата-аналар арасындағы серіктестікті нығайту стратегияларын талқылады. Семинарды құттықтау сөзімен Сандықтау ауданы білім бөлімінің басшысы Гүлнар Қадырова ашып, біртұтас тәрбие экожүйесін қалыптастырудың маңыздылығын атап өтті. Сондай-ақ, қатысушылар алдында «Психологиялық қолдау орталығы» КММ әдістемелік бөлімінің басшысы Сандуғаш Уаисова #aqmola_cpp сөз сөйледі. Пленарлық бөлім барысында 2026–2030 жылдарға арналған «Қазақстан балалары» тұжырымдамасын іске асыру мәселесіне ерекше назар аударылды.
Семинардың практикалық бөлігі бес тақырыптық секцияға бөлініп, онда қатысушылар тәжірибе алмасып, жаңа әдістемелерді меңгерді: 
1 секция: Мектепке дейінгі ұйымдарда ата-аналармен тиімді өзара әрекеттесу бойынша интерактивті шеберлік сабағы.
2 секция: «Баланың бас ұстазы — ата-ана» тақырыбындағы тренинг, баланың алғашқы тәлімгерлері ретіндегі ата-аналардың рөліне арналған; 
3 секция: «Мектеп + Отбасы = Баланың жетістігі» моделін талқылау және біртұтас тәрбие экожүйесін қалыптастыру бойынша шеберлік сабағы; 
4 секция: «PRO-ресурс» психологиялық практикумы, ата-аналардың эмоционалдық күйзелісін алдын алу мақсатында; 
5 секция: «Сенім ортасын құру өнері – The Trust Architecture» және баланың көзқарасымен әлемге қарау бойынша тренинг. 
Семинар бағдарламасына әдістемелік көрме және мектеп бойынша экскурсия да кірді, бұл қонақтарға Сандықтау ауданының педагог-психологтарының практикалық жұмыстарын көзбен көріп танысуға мүмкіндік берді. Кездесу  ашық диалог форматында нәтижелерді қорытындылаумен аяқталды. Қатысушылар тек отбасылар мен мектептер арасындағы жауапкершілік пен әділдік құндылықтарына негізделген тығыз ынтымақтастық арқылы ғана Қазақстанның өскелең ұрпағының толыққанды дамуы мен эмоционалдық әл-ауқатын қамтамасыз етуге болатынын атап өтті.