Ұлы Жеңіс мерекесі мен Қазақстан Республикасының Отан қорғаушылар күні қарсаңында елдің батырлық өткеніне және әскери дәстүрлеріне деген құрметтің жарқын көрінісі болған салтанатты плац-концерт өтті.

Аудан әкімі С. Құдабайдың атынан құттықтау сөз сөйлеген аудан әкімінің орынбасары Сәуле Жайылғанова барша қатысушыларды мерекемен құттықтады. Әкім орынбасары тарихи жадты сақтау, жас ұрпақтың бойында патриотизм сезімін қалыптастыру, Отан болашағына деген жауапкершілікті арттыру және өз еліне деген шынайы мақтаныш сезімін тәрбиелеудің маңыздылығын атап өтті. Іс-шара аясында өскелең ұрпақтың бойында азаматтық және патриоттық құндылықтарды қалыптастыруға үлес қосқан алғашқы әскери және технологиялық дайындық пәні мұғалімдерін марапаттау рәсімі өтті. Сондай-ақ аудан мектептерінің жоғары нәтижелер көрсеткен, белсенді өмірлік ұстанымымен және даму жолындағы талпынысымен ерекшеленген оқушылары медальдармен марапатталды. Мерекелік іс-шараның жалғасы ретінде мектеп оқушылары саптық дайындықтарын, тәртіптілігі мен командалық рухын көрсеткен көрнекі қойылымдар ұсынып, көрермендердің ыстық ықыласына бөленді.