АТА-АНАЛАРҒА АРНАЛҒАН ЖАЗҒЫ ДЕМАЛЫС КЕЗЕҢІНДЕГІ ЖАДЫНАМА!

Құрметті ата-аналар!

Жазғы демалыс — бұл демалу, жаңа әсерлер алу кезеңі, сондай-ақ балалардың қауіпсіздігі үшін ересектердің жауапкершілігі артатын уақыт.

Жазатайым оқиғалардың алдын алу мақсатында төмендегі қауіпсіздік шараларына ерекше назар аударуларыңызды сұраймыз:

Су айдындарындағы қауіпсіздік
• Балалардың ересектердің қарауынсыз су айдындарында болуына жол бермеңіздер.
• Балаларға жабдықталмаған жерлерде шомылудың қауіпті екенін түсіндіріңіздер.

Жол қозғалысы қауіпсіздігі
• Балаларға күн сайын жол қозғалысы ережелерін сақтау қажеттігін ескертіңіздер.
• Жолды қауіпсіз кесіп өту ережелерін түсіндіріңіздер.
• Велосипедтерді, самокаттарды және басқа да жеке қозғалыс құралдарын пайдалануды бақылауда ұстаңыздар.
• Көлік құралдарын басқаруға құқығы жоқ кәмелетке толмағандардың басқаруына жол бермеңіздер.

Тұрмыстағы қауіпсіздік
• Кішкентай балаларды қараусыз қалдырмаңыздар.
• Балалардың ашық терезелерге қол жеткізуін шектеңіздер.
• Терезелерге арнайы бекіткіштер немесе блокираторлар орнатыңыздар.
• Баланың терезе алдына шығуына мүмкіндік беретін жиһазды терезе маңына қоймаңыздар.

Балалардың орналасуын бақылау
• Баланың кімдермен араласатынын және қай жерде болатынын біліп отырыңыздар.
• Кәмелетке толмағандардың түнгі уақытта заңды өкілдерінсіз үйден тыс болуына жол бермеңіздер.
• Балалар серуен кезінде олармен тұрақты байланыста болыңыздар.

Құрметті ата-аналар! Жазғы демалыс кезінде балалардың қауіпсіздігі сіздердің назарларыңызға, бақылауларыңызға және қауіпсіздік ережелерін уақытылы түсіндірулеріңізге тікелей байланысты.

Балаларыңыздың өмірі мен денсаулығын сақтаңыздар!