"Үздік педагог" атағын беру қағидалары

Қазақстан Республикасы Білім және ғылым Министрінің 2015 жылғы 16 қаңтардағы № 12 бұйрығымен бекітілген "Үздік педагог" атағын беру қағидаларына, 2022 жылғы 9 тамыздағы № 355 өзгерістер мен толықтыруларға сәйкес конкурс жыл сайын үш кезеңде өткізіледі: 

І кезең – аудандық деңгей қыркүйек айында;

ІІ кезең – облыстық деңгей қазан айында; 

ІІІ кезең – республикалық деңгей қараша айында.

"Үздік педагог" атағы бір педагогке он жыл ішінде бір реттен артық берілмейді. "Үздік педагог" атағын беру жөніндегі конкурсқа білім беру ұйымдарының штаттық педагогтері болып табылатын және конкурсқа қатысу үшін құжаттарды ұсыну сәтінде кемінде бес жыл үздіксіз педагогикалық өтілі бар білім беру ұйымдарының педагогтері қатысады.

Конкурстың I кезеңіне қатысу үшін қатысушы Министрліктің ақпараттық жүйесі арқылы электрондық форматта мынадай құжаттарды (материалдарды) қоса бере отырып, осы Қағидаларға 1-қосымшаға сәйкес нысан бойынша конкурсқа қатысуға өтінім береді:

        1) оқыту тіліндегі портфолио (осы Қағидаларға 2-қосымшаға сәйкес педагог портфолиосының құрылымы);

        2) сабақ (сабақ) жоспарын ұсына отырып, ұзақтығы 7 (жеті) минут бір бейнесабақ (мектепке дейінгі білім беру ұйымдарының педагогтері үшін), ұзақтығы 15 (он бес) минут бейнесабақ (бейнесабақ) (орта, арнайы, қосымша білім беру, техникалық, кәсіптік және орта білімнен кейінгі білім беру ұйымдарының педагогтері үшін), сондай-ақ озық педагогикалық тәжірибені трансляциялау осы Қағидаларға 3-қосымшаға сәйкес нысан бойынша бейнероликке қойылатын талаптар мен техникалық шарттарға сәйкес ұзақтығы 5 (бес) минутқа дейінгі бейнеролик;

      3) Министрлік айқындайтын тақырыпта 500 (бес жүз) сөзден аспайтын эссе жазуға тиіс.